О компании | Новости | Курсы валют | Банки | Информеры | Реклама | Контакты |
26.04.2024 |
Новости
Контакты
|
Новости - пресс-релизы05.08.2020 | «Рэчыцкае» і LSTR выпусцілі сумесную лінейку адзення
«Рэчыцкае» і LSTR выпусцілі сумесную лінейку адзення LSTR Adzieńnie выпусціў лімітаваную калекцыю адзення ў калабарацыі з брэндам піва «Рэчыцкае». Галоўнай тэмай лінейкі стала павага. Пры стварэнні прынта дызайнер натхняўся візуальным вобразам і каштоўнасцямі «Рэчыцкага». Асаблівы акцэнт быў зроблены на павазе — галоўнай каштоўнасці брэнда. Павага і любоў да Беларусі, павага да прадукту і спажыўцоў, якія транслюе брэнд «Рэчыцкае», ляглі ў аснову своеасаблівага візуальнага сімвала — герба «Павага». Галоўным героем герба стаў бусел, які з'яўляецца не толькі сакральным сімвалам нашай краіны, але і часткай візуальнага кода брэнда «Рэчыцкае». У калекцыю ўвайшлі футболкі, лонгслівы і шоперы. Гэта лімітаваная лінейка, таму пакуль нічога з яе купіць нельга — толькі выйграць у розыгрышы ў аднаго з блогераў. Пра старт продажаў калекцыі «Павага» брэнд «Рэчыцкае» паведаміць дадаткова ў сваім Iнстаграм. — Мы даўно хацелі выпусціць сумесную лінейку адзення, якая была б заснавана на каштоўнасцях і вобразе брэнда «Рэчыцкае», але хацелася, каб гэта было не проста брэндзiраванае адзенне, а вартая рэч з сэнсам, пазіцыяй і каштоўнасцямі. Нам важна, каб нашу вопратку сапраўды хацелася насіць, і мы вырашылі, што LSTR ідэальна падыдзе нам як партнёр. Нам вельмі падабаецца, як брэнд працуе з сэнсамі ў сваіх візуалах, і прыўнесці ў прынты LSTR ідэі і каштоўнасці «Рэчыцкага» — даўняя мара. «Рэчыцкае» — брэнд, які паважае свайго спажыўца. Важным элементам нашай калекцыі сталі персаналізаваныя словы павагі. Кожная футболка атрымалася ўнікальнай, таму што ўсіх нас паважаюць па-рознаму і за нешта сваё, — адзначыў Дзмітрый Ешчык, брэнд-мэнэджэр «Рэчыцкага». Акрамя таго, «Рэчыцкае» першым сярод піўных брэндаў размясціла на этыкетцы тэрмаметку, якая змяняе колер, калі піва астуджаецца да ідэальнай тэмпературы. Навінкай, якую выпусцілі пад першай этыкеткай з тэрмаметкай, стала «Рэчыцкае EXPORT» — піткі лагер для аматараў лёгкага піва. — «Рэчыцкае» — брэнд, які сапраўды ганарыцца сваёй радзімай, шануе сваю культуру і якасна робіць сваю справу, — пракаментаваў Ілля Аксёнаў, заснавальнік LSTR Adzieńnie. — Нам было цікава працаваць над сумеснай лінейкай адзення. Новы прынт класна перадае галоўную каштоўнасць брэнда — павагу.
вернуться |
Финансовая информация
в свободном доступе
Курсы валют НБ РБ
с 29.04.2024
Итоги торгов на БВФБ
на 26.04.2024
Курсы в банках
на 26.04.2024
Конвертация в банках
на 26.04.2024
Финансовая информация
в свободном доступе |
|||||||||||||||||||||||||||||||||||||||||||||||||||||||||||||||||
наверх главная |
|||||||||||||||||||||||||||||||||||||||||||||||||||||||||||||||||||
Copyright © 1997-2024, ИА "ЭКОПРЕСС". Условия использования информации, размещенной на сайте |