ECOPRESS - Информационное агентство - оперативная финансовая информация, курсы валют, индексы  каталог сайтов  служба переводов
27.02.2020

 

Twitter   
Новости
Экономика РБ
Банковские новости РБ
Финансовые рынки РБ
Новое в законодательстве
Международные связи
Союзное государство
Страны СНГ и Балтии
Международные новости
Подписка
Статьи
Контакты
Тел.: (017) 354-40-43
E-mail: registr@ecopress.by


НОВОСТИ - ПРЕСС-РЕЛИЗЫ


17.01.2020 | ТРАНСМЕЖНЫ ФЕСТЫВАЛЬ “НОЧ ВАЎКОЎ” АДБУДЗЕЦЦА Ў БЕЛАВЕЖСКАЙ ПУШЧЫ 1-2 ЛЮТАГА

 

Трансмежны фестываль “Ноч ваўкоў” адбудзецца ў Белавежскай пушчы 1-2 лютага

 

1-2 лютага ў Белавежскай пушчы адбудзецца першая трансмежная Ноч ваўкоў. У праграме навукова-папулярныя лекцыі ад  людзей, знаёмых з гэтымі драпежнікамі не па чутках, экскурсіі па знакамітым лесе па два бакі ад мяжы ў пошуках ваўчыных слядоў і шмат іншага. Запрашаюцца ўсе, хто цікавіцца дзікай прыродай. 

 

1 лютага ў канферэнц-зале нацыянальнага парка, побач з Музеем прыроды паралельна адбудуцца дзве праграмы на ваўчыную тэму. На адной пляцоўке навукоўцы, біёлагі і генетыкі, мастакі раскажуць і пакажуць, чым ваўкі падобныя на нас і чым адрозніваюцца, чаму іх калісьці зацікавіла тэма воўка і як гэта жыць з ваўкамі. На другой — вашы дзеткі змогуць пагрузіцца ў атмасферу лясной казкі. Польскія суседзі арганізуюць асобную адукацыйна-забаўляльную праграму для маленькіх гасцей.

 

Чыі гісторыі можна будзе паслухаць?

  • Ігар Бышнёў – заолаг, выбітны кінарэжысёр-анімаліст, аўтар больш чым 60 фільмаў і відэаролікаў пра прыроду пакажа відэагісторыі пра ваўкоў Беларусі, Калмыкіі і Каўказа.
  • Дзмітрый Шамовіч і Анастасія Кузьмянкова – заолагі, важакі ваўчынай зграі. Выгадавалі трох ваўкоў і раскажуць пра асаблівасці жыцця з імі.
  • Валерый Дамброўскі – заолаг. Раскажа пра даследаванні ваўкоў у Чарнобыльскай зоне – унікальным месцы, дзе гаспадарчая дзейнасць забаронена.
  • Віктар Фянчук – каардынатар воўчага праекта, чалавек, якому vouk.by абавязаны сваім існаваннем. Раскажа пра тое, колькі ваўкоў у Белавежскай пушчы і як ім тут жывецца.
  • Мацей Шэўчык – вучоны-генетык з Польшчы, спецыяліст па гененетычнай структуры папуляцыі, дынамікі зграі, сваяцтву і экалогіі ваўкоў. Раскажа пра асаблівасці ваўкоў, якія вярнуліся ў Цэнтральную Еўропу.
  • Ірына Кашпей – прыродаахоўніца і заолаг, якая вучыцца ў магістратуры Эдынбургскага ўніверсітэта. Натхніла аўдыторыю TEDxMinsk сваёй любоўю да ваўка і цяпер падзеліцца ёй з вамі.
  • Лялечны тэатр Czervo, арганізаваны беларусамі Польшчы, прадэманструе пастаноўку, у якой галоўныя ролі адведзены ваўкам.

Што яшчэ будзе адбывацца?

Увечары, пасля лекцыйнай часткі, адбудуцца экскурсіі ў групах па Белавежскай пушчы. Нехта, нават, натрапіць на след ваўка! У любым выпадку, праваднікі – вопытныя лясныя людзі, у якіх ёсць зашмат гісторый, каб падзяліцца. Маршруты разлічаны на розныя магчымасці. Але пры добрым надвор’і нават самы складаны з іх не патрабуе асаблівай падрыхтоўкі. 

Пасля экскурсіі пагрэемся ля вялікага вогнішча на Царскай паляне – любімым месцы гасцей Белавежскай пушчы, дзе адбудзецца невялікі пікнік. 

2 лютага, усе ў каго ёсць віза і жаданне, паедуць на польскі бок Белавежскай пушчы. Прадстаўнікі Дзяржаўных лясоў Польшчы пакажуць свае любімыя месцы белавежскага лесу. Шпацыр разлічаны на некалькі гадзін. А 17-й гадзіне группа вернецца ў Беларусь.

 

Поўная праграма мерапрыемства тут

 

Чаму воўк такі важны?

 

АПБ сумесна з беларускім і польскім нацыянальнымі паркамі імкнецца змяніць стаўленне людзей да ваўка. Драпежнік найвышэйшага парадку апынуўся закладнікам масавага меркавання аб тым, што без ваўка чалавеку зручней існаваць і што ён нібыта з’яўляецца нам канкурэнтам. Эколагі не згодныя з гэтым. Сярод аргументаў   думка аб тым, што чалавек ад суседства з гэтым зверам таксама выйграе. Здольнасць ваўка падтрымліваць біялагічную разнастайнасць і самарэгуляцыю экасістэмы, у якой жыве дае наш шанец захаваць побач натуральныя лясы, у якіх прыемна дыхаць і якія могуць даваць бясконцы прыбытак пры належным кіраванні.

 

Але пакуль чалавек імкнецца да іншага. Ён вырашае, колькі і якіх відаў патрэбна канкрэтнаму лесу ці нават асабліва ахоўнай тэрыторыі. Беспадстаўна перакройваючы экасістэму на свой капыл, ён парушае раўнавагу дзікай прыроды, у якой усё ўзаемазвязана.

Ірына Кашпей, спецыяліст АПБ па прыродаахоўных пытаннях спадзяецца, што Ноч ваўкоў прыцягне ўвагу грамадства да цяжкага становішча, у якім апынуўся від:

 Многія людзі адчуваюць глыбокі, нават радавы страх перад ваўком. У яго падмурку — недахоп ведаў. Чалавек, які не разумее, чым выкліканыя паводзіны жывёлы, не ведае, як да гэтага ставіцца, ад таго і баіцца. На Ночы ваўкоў мы падзелімся гэтымі ведамі. Спадзяюся, што з цягам часу ўсё больш людзей пачне ставіцца з павагай да ваўка, якога многія пакуль што лічаць непажаданым у лесе відам! 

Абараняючы ваўка, робім лепей усёй дзікай прыродзе!


Грамадская арганізацыя "Ахова птушак Бацькаўшчыны" (АПБ) — найбуйнейшая прыродаахоўная грамадская арганізацыя Беларусі і з 2005 года — нацыянальны партнёр глабальнай прыродаахоўнай асацыяцыі "
BirdLife International", у якую ўваходзяць арганізацыі са 121 краіны. АПБ — гэта больш за 2500 сябраў і валанцёраў і больш за 30000 прыхільнікаў, 100 школьных клубаў і 14 мясцовых аддзяленняў па ўсёй краіне. Арганізацыя працуе дзеля захавання біяразнастайнасці і далучэння насельніцтва да актыўнай аховы прыроды. Толькі разам мы зможам захаваць дзікую прыроду нашай краіны — далучайся і ты!

 


вернуться
Финансовая информация
в свободном доступе
Цены на драгметаллы в слитках в банках Минска
Курсы валют в режиме on-line
Залоговое имущество
Международные системы денежных переводов
Изменения курсов обмена наличной валюты в банках Минска в режиме on-line
Курсы валют НБ РБ
с 27.02.2020
валюта курс
EUR 2.4334
USD 2.2378
RUB 3.4137
все курсы архив

Итоги торгов на БВФБ
на 26.02.2020
валюта курс +/-
EUR 2.4334 +0.0158
USD 2.2378 +0.011
RUB 3.4137 -0.0104
все курсы архив

Курсы в банках
на 26.02.2020
валюта покупка, max продажа, min
EUR 2.4360 2.4370
USD 2.2380 2.2410
RUB 3.4150 3.4150
подробнее

Конвертация в банках
на 26.02.2020
валюта покупка, max продажа, min
EUR/USD 1.0860 1.0900
EUR/RUB 71.3500 71.4800
USD/RUB 65.5000 65.8000
подробнее
Финансовая информация
в свободном доступе
Изменения курсов обмена наличной валюты в банках Минской области в режиме on-line
Изменения курсов обмена наличной валюты в банках Бреста в режиме on-line
Изменения курсов обмена наличной валюты в банках Витебска в режиме on-line
Изменения курсов обмена наличной валюты в банках Гомеля в режиме on-line
Изменения курсов обмена наличной валюты в банках Гродно в режиме on-line
Изменения курсов обмена наличной валюты в банках Могилева в режиме on-line
 
наверх главная
 
Copyright © 1997-2020, ИА "ЭКОПРЕСС". Условия использования информации, размещенной на сайте