Новости - пресс-релизы

У час Хэлоўіна музей «Аліварыя» кліча на «Жахі найстарэйшага піўзавода»

У гонар Дня усіх святых 31 кастрычніка и 1 лістапада адзіны ў Беларусі музей піваварэння «Аліварыя» арганізуе самую страшэнную экскурсію ў годзе «Жахі найстарэйшага піўзавода». Наведвальнікаў чакае незабыўная падзея восені і трохі хэлоўінскага вар'яцтва.

Піваварня з найбагацейшай у Беларусі гісторыяй – бадай што, самае прыдатнае месца для нечысці, якая прызямліцца ў свеце аматараў піва, каб павесяліцца не на жарт і раскрыць усе тайны найстарэйшага піўзавода. Адчуванні, што ледзяняць душу, непадробленыя эмоцыі і мора ўражанняў – усё гэта вы атрымаеце, пабываўшы на жудаснай экскурсіі.

Гадзінная экскурсіі пройдзе ў гістарычным будынку піваварні і будзе суправаджацца займальным расповедам пра яго шматгадовую гісторыю, якая захоўвае мноства цёмных таямніц і сакрэтаў і па гэты дзень.

У страшна гасціннай атмасферы ў гасцей будзе магчымасць асабіста пагутарыць з духамі завода (і не толькі піўнымі!), якія насяляюць ягоныя сцены. А каб духі «Аліварыі» прынялі вас за свайго – прыходзьце ў касцюме, які адпавядае святу, і атрымаеце ад іх сюрпрыз.

Ну а пасля таго, як вы паказычаце сабе нервы і вернецеся са змрочнага падарожжа (не факт!), Вы зможаце пачаставацца куфлем піва «Аліварыя» на дэгустацыі ў выставачнай зале музея.

Запісацца на экскурсію можна па спасылцы https://forms.gle/aBZsQK2kXzGSg99v7

Папярэджанне: непаўналетнім і ўражлівым уваход забаронены.

Прыберажыце свае нервы, бо будзе страшна атмасферна!

***

Што: экскурсія «Жахі найстарэйшага піўзавода»

Дзе: музей піваварэння «Аліварыя», Мінск, вул. Кісялёва, 30

Калі: 31 кастрычніка, 18.00 и 19.00; 1 лістапада, 17.00 и 18.00

Уваход: 9 руб.

Дрэс-код: нечысць вітаецца

Колькасць месцаў абмежаваная (не больш за 15 чалавек у групе)

Уваход 18+

Дадатковая інфармацыя: +375 29 500 17 55, .

вернуться