О компании | Новости | Курсы валют | Банки | Информеры | Реклама | Контакты |
25.04.2024 |
Новости
Контакты
|
Новости - пресс-релизы10.07.2019 | «Ромы – гэта мы»: 12 ліпеня ў 19:00 у Галерэі сучаснага мастацтва «Ў» адкрываецца выстава ўкраінскага фатографа Аляксея ЗінчанкI
«Ромы – гэта мы»: 12 ліпеня ў 19:00 у Галерэі сучаснага мастацтва «Ў» адкрываецца выстава ўкраінскага фатографа Аляксея Зінчанкi. Уваход вольны! Галерэя сучаснага мастацтва «Ў» пры падтрымцы Пасольства Украіны ў Рэспубліцы Беларусь запрашае ўсіх разам з аўтарам праекта – Аляксеем Зінчанкай, пражыць адзін дзень у Закарпацкім табары. Наведвальнікі выставы змогуць акунуцца ў незнаёмы для нас побыт і паразважаць над тым, ці гатовыя мы прыняць іншую культуру і сацыяльную ролю, быць адкрытымі і ўлічваць правы меншасці? Выстава будзе доўжыцца з 12 па 26 ліпеня. Куратар выставы «Ромы – гэта мы» Канстанцін Дарашэнка: «Цыгане – гэта ўпрыгожанне любой краіны», - кажа ўкраінскі спявак, наследнік старадаўняй ромскай артыстычнай дынастыі Пётр Чорны. Ён мае на ўвазе зусім не толькі рамантызаваны вобраз вандроўных шукальнікаў волі і забаўляльную функцыю майстроў «нястрымнага свята». Ён усведамляе адрозненне асаблівага жыццеўладкавання, што захоўваецца стагоддзямі яго народам, які жыве як нацыянальная меншасць па ўсім свеце, у асяроддзі магутных культурных і цывілізацыйных уплываў, як каштоўнасць. Як тое, што заўсёды вылучаецца, звяртае на сябе ўвагу, здзіўляе, бянтэжыць і зачароўвае... Ромы – увасабленне ўнікальнай, неўсведамлёнай імі самімі моцы антыглабалізму, бо, у пераважнай большасці, насуперак усім спакусам цывілізацыі з яе камфортам, працягваюць выбіраць архаічную традыцыю, грэбуючы сацыяльнымі ліфтамі, выгадамі найноўшых тэхналогій і лічбавай рэальнасці. Не дзіўна, што іх жыццё прыцягвае ўвагу, жаданне глядзець у iх, як у людзей. Менавіта за гэтым Аляксей Зінчанка паехаў у ромскі табар на Закарпацці і менавіта гэта ён злавіў у сваіх фотаздымках: чалавечыя пачуцці, эмоцыі, характары, побыт без тэхналагічных або сацыяльна сканструяваных напластаванняў. Работы Зінчанка раскрываюць нам, што прастата ня ёсць дзікунства, што беднасць і непераборлівасць – не аўтаматычны сінонім гора, што прыгажосць чалавека не залежыць ад яго дагледжанасці і зробленасці. Мастак не стварае штучнай ідыліі, не прапаноўвае і экзатызіруючага каланіяльнага погляду на аб'ект сузірання. У яго цыкле прысутнічаюць і смутак, і стомленасць, і злосць. Асноўнае ж – выразная ромская вітальнасць». У рамках адкрыцця выставы пройдзе адкрытая экскурсія па экспазіцыі ад аўтара Аляксея Зінчанкi і куратара Канстанціна Дарашэнкi. Уваход вольны! вернуться |
Финансовая информация
в свободном доступе
Курсы валют НБ РБ
с 26.04.2024
Итоги торгов на БВФБ
на 25.04.2024
Курсы в банках
на 25.04.2024
Конвертация в банках
на 25.04.2024
Финансовая информация
в свободном доступе |
||||||||||||||||||||||||||||||||||||||||||||||||||||||||||||||||||||
наверх главная |
||||||||||||||||||||||||||||||||||||||||||||||||||||||||||||||||||||||
Copyright © 1997-2024, ИА "ЭКОПРЕСС". Условия использования информации, размещенной на сайте |